Saimir Korreshi, deputet i PD-së, ka paralajmëruar një përkeqësim të situatës në Kuvendin e Shqipërisë, nëse nuk ka reflektim nga mazhoranca e Kryeministrit Edi Rama.
Në një intervistë për Euroneës Albania, Korreshi tha se mbështet idenë e grevës së urisë vetëm që të arrijnë në respektimin e rregullores dhe të zbatohet e drejta e opozitës për komisionet hetimore.
“Unë mendoj se situata në Kuvend do të vazhdojë më keq se kaq. Durimit i ka ardhur fundi, nuk është durim kapriçoz i një goce tekanjoze që nuk i pëlqen hamburgeri dhe do sufllaqe, apo nuk i pëlqen fustani dhe do pantallona.
Ne po kërkojmë respektimin e Kushtetutës së Republikës së Shqipërisë, ligjit dhe rregullores së parlamentit dhe për sa i përket grupit parlamentar.
Neni 16 i rregullores së Parlamentit përcakton qartë se kush është kryetari i grupit parlamentar. Më kryesorja dhe ajo që ka dhe impakt për qytetarët për të parë se si janë kanalizuar e ku kanë shkuar miliona euro të taksave të tyre janë komisionet hetimore dhe nga kjo nuk ka kthim mbrapsht”, u shpreh Korreshi.
Discussion about this post