Kryeministri Edi Rama zhvilloi një intervistë për gazetën gjermane “Der Spiegel”. Ai u pyet për faktin se nëse do të ishte i gatshëm të pranonte largimin e muxhahedinëve mbështetës të opozitës iraniane MEK nga Shqipëria, pasi si shkak për sulmin kibernetik është prania e tyre.
“Jo, Shqipëria ka një traditë për t’u krenuar për të strehuar njerëzit në rrezik. Dhe aleanca jonë strategjike me SHBA-në nuk mund të nënkuptojë thjesht se Uashingtoni ka gjithmonë mbështetjen tonë. Ndonjëherë duhet ta ndihmojmë edhe SHBA-në. Shqiptarët u detyrohen shumë amerikanëve”, deklaroi kreu i qeverisë.
Në vitin 2013 qeveria shqiptare pranoi strehimin e rreth 3.000 anëtarëve të opozitës MEK, pas kërkesës të Washingtonit. Që prej asaj kohe Irani e shpalli Shqipërinë si një vend armik. Produkt i kësaj armiqësie të Teheranit janë edhe sulmet kibernetike për të cilat Microsoft dhe qeveria shqiptare deklaruan me siguri autorësinë e Iranit.
Discussion about this post