Nënkryetarja e Paritsë Demokratike, Jorida Tabaku i ka kërkuar kryetarit Lulzim Basha të bëjë një hap pas, në mënyrë që të ketë një bashkim të PD-së.
Pas heshtjes për rezultatin e zgjedhjeve të 6 marsit, Tabaku u shpreh se sot prej 9 shtatorit ka kërkuar bashkimin e PD, ndërsa theksoi se rezultati në zgjedhje dëmtoi partinë.
“Nuk kam preferuar që diskutimin e brendshëm ta bëjmë mediatik. Nuk themi dot që jemi mirë. Kam qenë e angazhuar me komisionin për inceneratorët, nuk kam patur mundesi të perfshihem si kolegët e tjerë. U perfshiva 4 ditët e fundit. Falenderoj kolegët që votuan edhe në parlament në komisionin Hetimor. Do të kisha dashur që pavaresisht ndasive uroj të kishte mbajtur qëndrim atë ditë.
Në politikë na dallon qëndrueshmëria. Nga 9 shtatori kam kërkuar për bashkimin. Jam sulmuar ose kam kërkuar të jemi bashkë. Rezultati që morëm nëe terren, na dëmtoi. Edhe pala tjetër nuk arriti asgjë. Pra vetem bashkë dhe përtej nesh mund t’ia dalim. Në Vorë më thanë se nga 25 prilli nuk ka patur njeri në terren nga PD. Ne nuk mund të jemi parti zyrash. Në çdo mbledhje, kam kërkuar që të mos përjashtojmë njerëz. Nuk jam në politikë për karrige. Jemi për të përfaqësuar njerëzit. Une jam gati të ik dhe nga depute. Nuk e konsideroj pozicionin si privilegj, por përgjegjshmëri”, tha Tabaku.
Në mbledhjen e sotme të grupit parpametar të Partisë Demokratike, Tabaku ka bërë me dijë në fjalën e saj se beteja e saj është me Ramën, ndërsa ka shtuar se mbi veten duhet të gjejmë një mënyrë sesi faktorët në PD të bashkohen dhe në të ecim përpara.
“Nuk është karriera individuale në lojë, as e Bashës, e Joridës. Eshtë PD në lojë. Secili duhet të kalojë mbi vete dhe të shohim cili është ky hapi përbashkues. Kam lexuar kolegun Sula që ka propzuar një mekanizëm. Dëshira për të dalë nga këtu ku jemi elziston. Besoj kryetar që ju duhet të bëni një hap pas. Të gjejmë një mënyrë sesi faktorët në PD të bashkohen dhe në të ecim përpara. Besoj se ne duhet të ishim sot në protestë. Ata presin që ne të jemi përballë Edi Ramës, jo njëri tjetrit.
Na kanë votuar për aleternative qeverisëse dhe ne duhet të jemi një alternative e tillë. Ne duhet te jemi një parti që mbështet qytetarat, të jemi në terren. Të jemi të thjeshtë, se jemi për herë të tretë në qeveri. Sot beteja ime është me Edi Ramën. Nuk kam asnjë ambice personale. Duhet të dalim mbi veten. Si të dalim mbi vete dhe të nxjerrim sipër PD. E pamë se ku jemi. Duhet të shohim si ringrihemi. Nuk di të them cili është mekanizmi, por di të them që ajo që ndodhi në këto muaj na solli në këtë situatë. Duhet ta tejkalojmë për demokratët dhe shqiptarët.” u shpreh Tabaku.
Discussion about this post