Sipas Inteligjencës Amerikane 75% e forcave të ushtrisë ruse është vendosur në kufi me Ukrainën. Ky është një fakt shumë i konsiderueshëm se pse SHBA beson se Rusi mund të pushtojë Ukrainën. Pavarësisht paralajmërimeve të Perëndimit, Moska gjithnjë ka mohuar se ka në plan të pushtojë shtetin fqinj.
Ndërkohë më herët, një intervistë për BBC, kryeministri britanik Boris Johnson u shpreh se ‘të gjitha shenjat janë se plani i pushtimit tashmë në disa kuptime ka filluar’.
Të premten presidenti i SHBA-së Joe Biden deklaroi se kishin shenja të qarta se Putin kishte vendosur të vijonte me sulmin.
Vlerësimet më të fundit nga qeveria amerikane sugjerojnë se rreth 190.000 trupa ruse janë vendosur tani përgjatë kufirit të Ukrainës, si në Rusi ashtu edhe në Bjellorusinë fqinje, por kjo shifër përfshin edhe rebelët në Ukrainën lindore.
Discussion about this post