Në konferencën për shtyp para Barça-Elche, Xavi Hernández zbuloi se dje kishte biseduar individualisht me Ousmane Dembélé, për të ardhmen e sulmuesit. Xavi tregoi se francezi i tha atij se dëshiron të vazhdojë te Barça.
“Dje fola me Dembélé individualisht, ai dëshiron të vazhdojë, ai është i lumtur këtu dhe mua më bëhet qejfi për këtë, ai tashmë e di projektin sportiv dhe rëndësinë që do të ketë. Nuk mund të jap më shumë detaje”, tha katalanasi.
Për paraqitjen aktuale të francezit, ai u shpreh se ndoshta i ka munguar goli për të pasur më shumë besim, por gjithsesi ai po bën diferencën. Ish-mesfushori konfirmoi se Dembele është gati për të luajtur në ndeshjen Elche, pasi në Pamplona nuk pësoi asnjë lëndim, por thjesht disa ngërçe të muskujve.
Discussion about this post