Samiti i liderëve evropianë do të mbahet të enjten në Granada të Spanjës, ku pjesëmarrës në këtë aktivitet do të jenë edhe presidentja e Kosovës, Vjosa Osmani dhe presidenti i Serbisë, Aleksandar Vuçiç.
Presidentja Osmani tashmë ka konfirmuar pjesëmarrjen në këtë samit.
Të dielën e 24 shtatorit ndodhi një sulm terrorist ndaj Policisë së Kosovës në Banjskë të Zveçanit.
Policia u sulmua nga një grup serbësh prej më shumë se 30 personash. Pjesëmarrës në grupin terrorist ishte edhe ish nënkryetari i Listës serbe, Milan Radoiçiç person ky shumë i afërt me presidentin serb, Vuçiç.
Disa ditë pas sulmit terrorist në Banjskë, të enjten në Spanjë mbahet samiti i liderëve evropianë, ku pjesëmarrës janë Osmani dhe Vuçiç.
“The Guardian” referuar burimeve shkruan se ka përpjekje për t’i takuar Osmanin dhe Vuçiçin.
“Vuçiç dhe Osmani do të marrin pjesë në samitin e liderëve evropianë në Granadë të Spanjës dhe burimet thonë se ka përpjekje që t’i ulin ata së bashku në një dhomë përkundër armiqësisë politike ndërmjet dy vendeve”, shkruan “The Guardian”.
Discussion about this post