Interi ka një transfertë delikate ditën e sotme, në 18:00 ndaj Napolit, teksa trajneri Simone Inzaghi do të bëjë jo pak ndryshime në formacion, duke ditur se Napoli tashmë nuk ka asnjë objektiv pasi titullin kampion e ka fituar prej javësh.
Titullar për këtë sfidë, për zikaltërit pritet të jetë edhe mesfushori i Kombëtares Shqiptare, Kristjan Asllani. Talenti nga Elbasani nuk ka pasur minuta të mjaftueshme këtë sezon, megjithatë sot ka shansin e artë për të treguar edhe një herë tjetër vlerat e tij në një ndeshje me shumë rëndësi për zikaltërit pasi janë në garë për Champions.
Së bashku me Asllanin, në mesfushë pritet të jenë Gagliardini e Barella ndërkohë që në sulm dyshja Lukaku-Correa. Nga krahët, Gosens dhe Bellanova ndërkohë që në portë me shumë gjasa do të jetë Onana, nëse ia del pasi ka shfaqur temperaturë ditën e sotme. Mbrojtja do të mbahet nga D’Ambrosio, Bastoni e De Vrij.
Discussion about this post