Joshua Kimmich i jep fund dilemave. Prej ditësh flitej mbi një operacion të Barcelonës që do të transferonte lojtarin e kombëtares gjermane dhe Bayern Munchen në Camp Nou.
Por 28-vjeçari ka sqaruar përfundimisht se nuk ka ndërmend të lëvizë nga gjigandët bavarezë, me të cilët ka një kontratë edhe për dy vitet e ardhshme.
“Ishte e vështirë t’i qëndroja larg të tillave trajtesa në media kur emri im qarkullon në pista të ndryshme.
Në fakt, periudha aktuale është momenti i duhur për t’i shuar zërat rreth sezonit të ri. Kam edhe dy vjet kontratë me klubin ku aktivizohem.
Besoj se jam i qartë se kë fanellë do të djersij vitin e ardhshëm. Sfida dhe suksese të rëndësishme na presin përpara”, tha Kimmich.
Discussion about this post