Nuk kam aspiruar dhe as nuk aspiroj për të marrë drejtimin e Partisë Demokratike. Kështu u shpreh Argita Malltezi, vajza e ish-Kryeministrit Sali Berisha, teksa u pyet nëse aspironte për të marrë drejtimin e partisë më të madhe opoitare.
Në Syri Tv, Malltezi tha se nuk ka dashur që PD të drejtohet nga institucione të trashëguara. “Mendoj se PD ka kapacitete që mund të bëjnë drejtimin e PD-së. Nëse do të kisha aspirimin për kryetare e PD-së do të bëja turin në të gjithë vendin për të bindur demokratët, por nuk do të pranoja kurrë idenë e një posti të trashëguar”, tha Malltezi.
Ajo pohoi se kishte një propozim në 2017 për tu futur në politikën aktive, por e kishte refuzuar propozimin. Malltezi nuk pranoi të jepte më shumë detaje lidhur këtë propozim, ndërsa shtoi se PD nuk do të trashëgohet kurrë si parti, por do të fitohet me garë, pavarësisht se kush do të hyjë në garën.
Discussion about this post