Prej thuajse dy orësh, kryeministri Edi Rama ndodhet para Komisionit Hetimor për inceneratorët, ku në cilësinë e dëshmitarit po jep versionin e tij për skandalin më të madh të post diktaturës.
I pyetur nga kryetarja e Komisionit Jorida Tabaku, nëse e di që dy prej inceneratorëve nuk kanë përfunduar ende, Rama i mbrojti me zell këto investime, duke thënë se janë vepra për të cilat ndihet krenar.
Rama tha se në inceneratorin e Fierit ka pasur vonesa, për shkak se ka pasur rezistencë të banorëve, dhe është ndryshuar vendi se ku do të ndërtohet impianti i mbetjeve, ndërsa ia “vuri fajin” problemeve teknike sa i përket atij të Elbasanit.
Pjesë nga debati:
Tabaku: A ka projekte të tjera që kanë marrë një mobilizim të tillë financiar?
Rama: O zonjë unë kam ardhur për lekët këtu, ku janë 430 milionë eurot që thoni ju
Tabaku: A ka projekte të tjera që kanë marrë një mobilizim financiar të tillë?
Rama: Çfarë vendimesh se na bëtë…
Tabaku: Sa i keni ndjekur projektet e inceneratorëve, gjatë kohës që keni qenë në detyrën e kryeministrit, pas momentit të nënshkrimit të tyre?
Rama: Siç kam ndjekur dhe ndjek projekte deri në detaje, që e kot t’jua shpjegoj këtu se as mendja nuk ua ha. Jo si teknik, as si supervizor, thjesht duke kërkuar që të përfundojnë sa më parë.
Tabaku: A jeni në dijeni që dy inceneratorë nuk e bëjnë incenerimin, dhe që inceratori i Elbasanit është i fikur?
Rama: Ndërtimi i këtyre veprave komplekse, ka pasur problematikat e veta, Elbasani është një vepër që ka folur vetë, teknikalitetet për energjinë ua kanë dhënë të tjerë persona këtu. Fieri ka pasur të tjera probleme, pasi janë vendosur trupa për t’ju thënë që të ndalojnë plehrat, është bërë ndryshimi i vendit, që këto projekte janë një nga krenaritë e mija si kryeministër kjo nuk ka asnjë pikë dyshimi.
Discussion about this post