Një ditë pas zgjedhjes si kryetar i Partisë Demokratike, ish kryeministri Sai Berisha nuk ka marrë asnjë urim publik nga aktorët ndërkombëtarë. Ndonëse asnjë urim nuk u bë publik duke nxitur zërat se janë kundër rikthimit të tij në krye të PD, Berisha la të kuptohet se një gjë e tillë mund të ketë ndodhur privatisht.
“Si ndiheni që s’ju kanë uruar ndërkombëtarët për zgjedhjen në krye të PD?”, ishte kjo pyetja të cilës Berisha iu përgjigj gjatë një prononcimi për gazetarët jashtë Kuvendit, duke thënë: “Ku e di ti”.
Rikthimi i Berishës në krye të selisë blu pritet që të ndikojë negativisht në raportin me ndërkombëtarët, pasi ambasadorja amerikane në Tiranë, Yuri Kim ka thënë publikisht që SHBA do të ndërpresë marrëdhëniet me PD nëse ish kryeministri rizgjidhet kryetar pas 9 vitesh.
Discussion about this post