Dy vëllezërit Indrit dhe Gentian Beqiraj kanë përmendur në dëshminë e tyre policin e burgjeve në Durrës, Flamur Bejko. Ata thanë se personi në fjalë ishte porositës i vrasjes së dy personave, për shkak të konflikteve që kishin me të.
Ndërkohë mësohet se Bejko i ka mohuar këto akuza. Por nga ana tjetër, ai ka pranuar se i dha 3500 euro borxh njërit prej vëllezërve Beqiraj me argumentin se ai do të bënte disa dokumente për punësim në Greqi.
Ndërkohë, policia dyshon se Bejko kërkoi vrasjen e dy personave në fjalë pasi kishin konflikte me njeri-tjetrin.
Sa i përket ushtararkut Altin Çelami, edhe ai i arrestuar dje, mësohet se nuk ka patur një rol aktiv në grupin kriminal, por u siguronte atyre armë ose magazinonte armët që kishin përdorur.
Ndërkohë, ditën që ndodhi rrëmbimi i Indrit Beqirajt në autostradë, autorë janë personat e shpallur në kërkim, pjesë e grupit të Aleksadër Lahos i njohur me nofkën Rrumi i Shijakut. Nga verifikimet ka rezultuar se ata i kanë mbajtur në vëzhgim vëllezërit Beqiraj për llogari të tyre dhe nuk kanë pasur dijeni për atentatin që Indrit dhe Gentjan Beqiraj do kryenin për llogari të efektivit të burgjeve.
Discussion about this post