Kryeministri Edi Rama është thirrur sot në Komisionin Hetimor për Inceneratorët nën cilësinë e dëshmitarit. Në fillim të fjalës së tij, Rama i kërkoi Tabakut të ndajë faktet nga opinionet personale, ndërsa shtoi se nuk duhet të fyejë dëshmitarët.
I pyetur nga Tabaku nëse ka përfituar Lefter Koka miliona euro si pronar i këtij projekti, kryeministri tha se e njeh vetëm si ministër Mjedisi. I pyetur më tej nëse tre pronarët e inceneratorëve që janë në kërkim, kanë miqësi me Arben Ahmetajn, Rama iu përgjigj me ironi, duke i kujtuar Tabakut “Big Brother-in”.
Debati:
Rama: Ju sapo e shkelët ligjin pasi folët për aferë, unë nuk ka ardhur për të zbardhur ndonjë aferë, pasi ajo është në pozicionin tuaj që e keni shprehur në Kuvend, por këtu nuk mund ta shprehni, pasi këtu jeni anëtarë të një komisioni që ka thirrur një dëshmitarë. Ju bëni pyetje, opinionet shprehini në një raport, unë nuk kam ardhur këtu për asnjë aferë.
Tabaku: A është Lefter Koka një nga pronarët përfitues të kontratës të koncesionarëve?
Rama: Është një pyetje e eksportuar nga debati parlamentar dhe televiziv. Unë Lefter Kokën e njoh si ministër të Mjedisit dhe jo pronar përfitues të diçkaje.
Tabaku: A është Alqi Bllako përfitues?
Rama: Më duhet të them se shkelët ligjin dhe nuk dua asnjë opinion tuaj dhe mbajeni për vete dhe shkruajeni në raport, faktet këtu janë ata që kemi ardhur për tu ballafaquar me dokumente dhe jo mbi spekulime. Unë e kuptoj që Big Brother në këtë periudhë ka krijuar audiencë të madhe por se kush është miku i kujt, se kush fle me kë dhe kush zgjohet më kë nuk janë në dispozitat kushtetuese të kryeministrit të Shqipërisë. Kjo është jashtë kompetencave të mia që të informohem dhe të studioj miqësitë të secilit prej jush. Jam i pa interesuar se çfarë bëjnë të tjerët pasi kam refuzuar të jap llogari se ç’bëj vetë në jetën private”.
Discussion about this post