Kylie Jenner është fotografuar pranë shtëpisë së partnerit të shumëpërfolur, Timothee Chalamet, në Beverly Hills, me të cilin prej disa kohësh është në një lidhje.
25 vjeçarja kishte veshur një bluzë të bardhë dhe xhinse të gjera përpara se të shkonte në shtëpinë e aktorit 27-vjeçar. Themeluesja e “Kylie Cosmetics” kishte vendosur dhe një maskë të zezë në fytyrë duke mbuluar pjesën e gojës.
Jenner u pa duke lëvizur me Mercedesin e saj 200 mijë dollarësh, “Maybach 600” dhe u ndoq nga ekipi i saj i sigurisë me një “Escalade” të zezë derisa mbërriti në banesën e Timothee.
Në fillim të këtij muaji u konfirmua se dyshja janë ende në një lidhje, pavarësisht thashethemeve se ylli i ‘Call Me By Your Name’ i kishte dhënë fund romancës me milioneren.
Kylie dhe Timothee janë takuar në fshehtësi që nga fillimi i prillit, raporton TMZ .
Çiftit thuhet se kanë nisur një romancë pasi të dy morën pjesë në shfaqjen e modës Jean-Paul Gaultier më 25 janar 2023. Në mesin e muajit prill, pasi u publikuan lajmet për lidhjen e tyre, “Range Rover” i Kylie u pa në shtëpinë e Timothee në Beverly Hills.
Discussion about this post