Lionel Messi ka thënë së ai nuk mendon se është lojtari më i mirë në botë edhe pse cilësohet nga pjesa më e madhe e ekspertëve të futbollit si i tillë.
Në një intervistë të dhënë së fundmi për ‘France Football’ pasi fitoi të shtatin ‘Top të Artë’ argjentinasi theksoi se atij i pëlqen që cilësohet si i tillë, por në vetvete nuk e mendon e ai është më i miri.
“Unë kurrë nuk kam thënë, nuk kam menduar, apo as nuk jam përpjekur të pajtohem me këtë ide [për të qenë më i miri. Për mua është më se e mjaftueshme të konsiderohem apo të citohem si një nga lojtarët më të mirë në botë. Është diçka që nuk do të kisha guxuar kurrë ta imagjinoja apo ëndërroja. Nuk ndryshon asgjë për mua të jem më i miri apo jo. Dhe kurrë nuk u përpoqa të jem.”-theksoi ‘pleshti’.
Më tej sulmuesi i Paris Saint-Germain shtoi nuk i pëlqen që të quhet si model që duhet ndjekur nga të rinjtë në futboll.
“Nuk e di nëse jam model që duhet ndjekur. Nuk më pëlqen të jem një i tillë apo të jap këshilla. Kam luftuar për ëndrrat e mia, në fillim ishte të isha lojtar profesionist, më pas u përpoqa të kaloj veten dhe të arrij objektiva të reja çdo vit. Në mes të gjithë kësaj, ka edhe një element fati. Kjo gjithashtu varet nga Zoti dhe besoj se ai zgjodhi që të më ndodhte e gjithë kjo”,-tha Messi.
Megjithatë ecuria e yllit të Argjentinës në PSG nuk ka rezultuar aq pozitive saç pritej dhe që nga transferimi në gusht deri më tani ai ka shënuar vetëm 9 gola në të gjitha kompeticionet./K.T/Gijotina.com
Discussion about this post