Një 28-vjeçare shqiptare ka humbur jetën ditën e djeshme, pasi u aksidentua nga një makinë. Rast tragjik ka ndodhur në Zyrih të Zvicrës, ndërsa mësohet se e reja që ndërroi jetë është Fjoralba Kallaba, nga Kamenica e Kosovës.
Një familjar i saj, në Facebook ka shprehur mes rreshtave dhimbjen që e ndjera la pas.
“Mbrëmë u shua një dritë kushërira ime Fjoralba Kallaba ndërroi jetë aksidentalisht mbrëmë në ZH Zvicër në moshën 28 vjeqare! Prehu në paqe o YLL , o e hareshmja jonë. Nuk kemi fjalë si familjarë të shprehim dhimbjen që kemi për ty o engjull…! Ngushëllime prindërve Bajrushit e Nerxhivanes, vëllezërve Migjenit, Luigjit, Flamurit të Fjoralbës si dhe gjithë familjarëve”, ka shkruar ai.
Mediat në Zvicër bën të ditur se shkaku i plagëve të marra nga goditja e veturës, 28-vjeçarja ka vdekur në vendin e ngjarjes. Ndërkohë po punohet lidhur me rrethanat e aksidentit, që rezultoi fatal për shqiptaren, teksa policia është duke kërkuar dëshmitarë lidhur me ngjarjen.
Discussion about this post