Ish-Kryeministri, Sali Berisha, ka folur sot nga Tepelena për faktin që është shpallur “non-grata”. Gjatë bisedimeve me demokratët atje ai u pyet nëse vendimi i DASH do ta pengojë atë që të sjellë PD në pushtet. Berisha tha se nuk dorëzohet pasi prandaj edhe u shpall non-grata, që PD të kthehej në një shtojë e PS, të shkrihej. Ndërsa u shpreh se është i bindur që do të fitojë.
“E nisa këtë betejë jo se ishte 100 % i sigurtë, por për të mbrojtur dinjitetin e tij. Pse u godita unë? Vetëm që PD të bëhej shtojcë e PS-së. Jam i bindur se do të fitojmë ndaj regjimit të Ramës. Në vitin 1998 kishim botën kundër dhe fituam. Pse fituam? Sepse besoj te e vërteta”, tha ai.
Ndër të tjera Berisha tha se vendimi i shpalljes “non grata” ishte korruptiv, pa asnjë provë dhe fakt, ndërsa akuzoi Edi Ramën dhe George Soros se kishin lobuar për marrjen e këtij vendimi nga Sekretari amerikan i Shtetit. Ish-Kryeministri tha se iu drejtua Gjykatës lidhur me vendimin për të treguar se ishte një vendim politik dhe korruptiv.
Discussion about this post