Ish kreu i PD, Lulzim Basha e ka quajtur shpifje deklaratën e kryeministrit Edi Rama në Kongresin e PS, kur tha se i ka dërguar një mesazh duke e paralajmëruar se PD do të shkojë në këtë situatë, por ai nuk e kishte dëgjuar.
Pasi hodhi poshtë deklaratën, Basha tha se me Ramën ka komunikuar vetëm dy herë dhe në këto raste theksoi se kanë qenë mesazhe ngushëlluese për dy humbje respektive që kanë pasur në familje.
“S’ka pasur komunikim. Ka pasur komunikim për dy humbje në familje. Këto kanë qenë. Ato që thotë Rama janë gënjeshtra. Treshja e tranzicionit hedh gënjeshtra për të hequr vëmendjen. Si i japim fund vjedhjes, një e ka drejtësia dhe një politika. Këto prodhojnë cirk hedhin gënjeshtra dhe askush s’jep zgjidhje. Unë jam përpjekur për një kulturë tjetër politike”, tha Basha.
Discussion about this post