Kryetari i Aleancës Kosova e Re, Behgjet Pacolli, ka folur për figurën e Naim Murselit, të dyshuarin për vrasjen e Liridona Ademajt.
Pacolli ka zbuluar nëse është kontaktuar nga Murseli në natën kur u vra Liridona.
“Jo, unë kam qenë në rrugë zyrtare largë Kosovës, por bashkëpuntorët e mi nga Kosova më kanë informuar për rastin”, ka thënë Pacolli në një intervistë për Nacionale.
“Duke mos ditur si ka ndodh, unë kam tentu me kontaktu, por telefonin e tij ka qenë i mbyllur”, ka treguar Pacolli, i cili gjatë këtyre ditëve ka reaguar disa herë për rastin në rrjetet sociale.
Liridona Ademaj, 30-vjeçare, është vrarë të mërkurën, më 29 nëntor, në rrugën “Dalip Alshiqi” në Prishtinë.
Për rastin Policia ka arrestuar tre persona të dyshuar: Naim Murselin, Granit Plavën dhe Kushtrim Kokallën.
Discussion about this post