Administrata pa letra/ Ibrahimaj: Kalojmë te firmat online dhe proceset digjitale

Në ambientet e Kryeministrisë është zhvilluar mbledhja e radhës së qeverisë.

Pas mbledhjes Ministrja e Ekonomisë dhe Inovacionit, Delina Ibrahimaj, foli për mediat, ku u shpreh administrata shqiptare nuk do të përdorë më dokumentet shkresore dhe firmat do të bëhen online.

“Firmat e administratës do të bëhen online. Do të eliminojmë të gjitha dokumentet shkresore dhe administrata shqiptare do të punojë pa letra. Kaluam në Këshillini e Ministrave dhe dërguam në parlament një projektligj me lëvizjen e lirë të shërbimeve. Ne jemi duke punuar intensivisht me qëllim që të gjitha detyrat që qeveria shqiptare ka në zbatim të planit të integrimit, të përmbyllen me kujdes pa tejkaluar afatet”, u shpreh ministrja.

Delina Ibrahimaj dha edhe një prononcim për gazetarët, ku foli edhe për sulmet kibernetike.

Ajo u shpreh se e rëndësishme është që nuk janë lënë gjurmë të pariparueshme.

“E vërteta është që të gjitha atakët kibernetike nuk kanë lënë gjurmë të pariparueshme. Kjo do të thotë që infrastrukturat kibernetike janë në fuqi. E rëndësishme është që të mos ketë dëme të pariparueshme. Në botën e zhvillimit të sistemeve, ajo që është e pashmangshme.

Do vazhdojmë të investojmë në këtë drejtim pasi e ardhmja është digjitale dhe luftërat do jenë digjitale.”, tha ajo.

gijotina.com/