Situata është kjo: Keni/dini një sekret dhe nuk jeni të sigurt nëse duhet ta tregoni apo të heshtni. Çfarë duhet të bëni? Kur e gjeni veten në këtë vend të pakëndshëm, këtu janë disa pika për t’ju ndihmuar të merrni parasysh opsionet tuaja.
Konsiderimi i parë është sekreti i kujt është. A është i juaji, apo dikush tjetër ju ka besuar informacionin e tyre (ose të dikujt tjetër)?
Nëse sekreti është i juaji, natyrisht, varet nga ju nëse do ta mbani dhe nëse jo, kujt do i thoni. Nëse e ndani sekretin tuaj edhe me dikë, merrni parasysh se ekziston gjithnjë mundësia që informacioni t’i shkojë edhe dikujr tjetër. Sekreti më i ruajtur është ai që e di vetëm ti.
Marrëdhëniet kanë rëndësi
Nëse juve ju është besuar një informacion që i përket dikujt tjetër dhe nuk jeni të sigurt nëse do ta mbani sekretin e tyre, bëjini vetes dy pyetjet e mëposhtme:
1. A pranuat të mbani sekretin?
Ndonjëherë njerëzit do t’ju thonë diçka, dhe do ta shoqërojnë me: “Mos i thuaj askujt!”. Shpesh, duke ju treguar një sekret pa marrë më parë pëlqimin tuaj, ata ju vendosin në një situatë që ju nuk e kishit zgjedhur. Ju nuk jeni të detyruar të respektoni kushtet e një kontrate që nuk e keni nënshkruar.
Ndoshta është mirë që ta njoftoni personin nëse ju ka vënë në një pozitë të vështirë. Të paktën, mund t’i inkurajojë ata të mendojnë dy herë para se ta bëjnë përsëri.
Nëse keni rënë dakord të mbani sekretin, atëherë në rrethana normale, është më mirë nëse mund t’i përmbaheni fjalës suaj.
Nëse rrethanat rreth sekretit nuk janë normale, mund të dëshironi të flisni me terapistin tuaj për këtë. Një terapist kërkohet të ruajë konfidencialitetin e gjithçkaje që ju i thoni, për sa kohë që jeta e dikujt nuk është në rrezik. Në atë rast, terapistit tuaj mund t’i kërkohet të bëjë një raport tek autoritetet lokale.
Nëse keni rënë dakord të mbani sekretin, por tani dëshironi të tregoni diçka, pyesni veten:
2. Sa e vlerësoni atë marrëdhënie?
Mbajtja e një sekreti mund t’i bashkojë më shumë dy njerëz, por gjithashtu mund ta krisë një marrëdhënie. Për arsye të ndryshme, mund të jetë e rëndësishme për ju që të mos mbani sekretin.
Mendoni për pasojat në marrëdhënien tuaj nëse dështoni në mbajtjen e sekretit dhe çfarë të mirash/të këqijash do ndodhin në momentin që ju ja tregoni dikujt tjetër. Lidhja juaj me këtë person ka të ngjarë të dëmtohet nëse veproni pa pëlqimin e tij. Kështu që…
Çfarë është më e rëndësishme për ju – kjo marrëdhënie, apo një ndërgjegje e pastër?
Pavarësisht se çfarë bëni, rruga drejt një ndërgjegjeje të pastër është përmes njohjes së kufijve dhe motiveve tuaja dhe qëndrimit besnik ndaj vlerave që ju përfaqësojnë. Duke miratuar këtë qëndrim në përgjithësi, ju do të tërheqni njerëz që vlerësojnë ndjeshmërinë tuaj dhe veprojnë me integritet vetë.
Shpresojmë, të mos ju duhet të merrni vendime të tilla shpesh, por nëse ndodh, rikthejuni këtyre këshillave.
