Abazoviç kërcënon kriminelët: Ky nuk është një vend mik për ju

Kryeministri në mandatin teknik, Dritan Abazoviç, ka bërë të ditur se kriminelët nuk janë të mirëpritur në Mal të Zi.

“Ky nuk është një vend mik i kriminelëve,” tha ai në një emision të specializuar për krimin e organizuar.

Abazoviç ka reflektuar për rrethanat në Mal të Zi gjatë periudhës 30-vjeçare, para zgjedhjeve të vitit 2020.

“Në sistem kishte shumë institucione të politizuara dhe joprofesionale, si dhe njerëz të korruptuar. Vetëm në dy vitet e fundit, që nga ndryshimet politike, ne kemi ndryshuar ambient”, tha Abazovic në një bisedë me gazetarin e njohur holandez John van der Heuvel.

Ai vuri në dukje rezultatin historik të Malit të Zi në luftën kundër kontrabandës së drogës, kapjen e 1.6 tonë kokainë. Nëse këto shifra krahasohen me ato në portet holandeze, rezultati është vërtet i madh.

I pyetur për kërcënimet ndaj tij, Abazoviç përgjigjet: Nuk më pëlqejnë kërcënimet, por kjo është diçka e nevojshme dhe obligim ynë. Nëse dikush është i ndrojtur dhe nuk dëshiron të marrë rreziqe, ai nuk duhet të jetë në këtë biznes.