Në emisionin “Të Paekspozuarit” në MCN TV u diskutua apeli i Ramës drejtuar deputetëve të PS-së që të mos godasin më SPAK për të mbrojtur Veliajn, duke marrë shkak intervistën e deputetit socialist Etien Xhafaj. Analisti Enton Abilekaj u shpreh se ky është tregues së Rama e ka lënë vetëm Veliajn, pasi bëri tre ditësh zhurmë. Abilekaj tha se SPAK nuk do të preket sepse BE e ka vënë prioritet luftën kundër korrupsionit dhe kusht për anëtarësimin në BE.
“Kjo është një lënie vetëm e Veliajt nga Rama, pasi bëri 3 ditë zhurmë. Çfarë është garancia e vetme që Rama të rishikojë qëndrimin e tij ndaj SPAK-ut. Rama ka kalë beteje të fushatës anëtarësimin në BE dhe reformën në drejtësi”, tha Abilekaj.
“BE e ka çuar Shqipërinë në rreshtin e parë për anëtarësimin vetëm prej punës së SPAK-ut dhe u çua nga Maqedonia për të zënë vendin e Serbisë, bashkë me Malin e Zi. E vetmja rrugë është të mos prekte SPAK, por të forcohet edhe më shumë. Puna e SPAK pavarësisht dëshirës së Ramës nga kjo maxhorancë nuk preket dot, por edhe Berisha ka zbutur gjuhën, dhe nuk mund ta prekë se prish marrëdhënien me BE-në, nëse fiton zgjedhjet”, shtoi.
Discussion about this post