Roma ka njoftuar zyrtarisht transferimin e Tammy Abraham prej 40 milionë eurosh nga Chelsea.
‘Giallorossët’ kanë zëvendësuar Edin Dzeko, i cili u transferua te Inter, me 23-vjeçarin anglez, i cili nënshkroi një marrëveshje deri në qershor 2026 me italianët.
Abrahami është larguar nga Chelsea pas 82 paraqitjesh në të gjitha kompeticionet, duke kontribuar me 30 gola dhe 12 asistime dhe Roma do të paguajë 40 milionë euro përfshirë bonuset dhe një përqindje të një shitjeje të ardhshme.
“Roma është e kënaqur që është në gjendje të konfirmojë nënshkrimin me anglezin Tammy Abraham. 23-vjeçari i bashkohet klubit nga Chelsea, me të cilin ai fitoi Champions League në fillim të këtij viti, për një tarifë prej 40 milionë eurosh. Abrahami, ndërkohë, ka firmosur një kontratë 5-vjeçare me klubin dhe që i bie se zgjat deri më 30 qershor 2026.”-thuhet në njoftimin e klubit të Romës./Gijotina.com
