Autori i dyshuar 27-vjeçari R.K është lënë në burg pasi akuzohet për dhunimin e vajzës së tij të mitur. Prokuroria i ka ngritur akuzën për abuzim seksual R.K, por nuk është vërtetuar akoma nëse është abuzuar me të miturën seksualisht. Edhe sot nuk ka mbërritur akoma akt-ekspertimi mjeko-ligjor.
Seanca u mbajt me dyer të mbyllura dhe gjykata pranoi kërkesën e prokurorisë për caktimin e masës së sigurisë “arrest me burg” .
Burime për gijotina.com bëjnë me dije se i arrestuari ka mohuar kategorikisht që e kishte abuzuar seksualisht por ka pranuar dhunën fizike, rrahjen me thupër duke justifikuar me arsyen se vajza e bezdiste në telefon të ëmën ndërsa kjo ishte në punë”.
Madje ai thotë se e ka çuar vetë në spital.
Nga dosja mësohet se e mitura merrte nënën e saj në telefon duke i kërkuar që të shkonte në shtëpi dhe mos ta linte vetëm me babin.
Prindërit e vajzës kishin vetëm dy muaj që kishin rinisur bashkëjetesën në Kamëz, pas divorcit të para gjashtë viteve, që përkon me kohën kur e mitura sapo kishte lindur.
E mitura është paraqitur në spitalin e Traumës më 28 tetor në orën 19:00, në gjendje të rënduar nga dhuna fizike, por më tej bluzat e bardha hodhën dyshime se dhuna nuk ishte i vetmi abuzim me të cilin 6-vjeçarja ishte përballur.Pas këtyre dyshimeve mjekët kontaktuan policinë në mënyrë që çështja të hetohej.
Sipas hetimeve, deri tani është bërë me dije se dyshohet se dhuna fizike është ushtruar me thupër, e madje të tilla skena nuk i kanë shpëtuar as syrit të të ëmës së vajzës.Në deklaratat e saj kjo e fundit shprehet se kjo vinte si pasojë e mungesës së vajzës në jetën e tij për shumë vite dhe e kishte marrë malli për të.
Drama e të miturës i është bërë e qartë nënës duke i kërkuar disa herë në telefon kur ajo ishte në punë, që të mos e linte vetëm me babin e saj.
