Rrjeti social Snapchat po përdoren për shitjen e pilulave Fentanyl (ilaç që përdoret kundra dhimbjeve), të cilat kanë çuar në vdekjen e të rinjve dhe adoleshentëve në të paktën 15 shtete. NBC News shkruan se pilulat e rreme, të shitura në maskimin e Percocet, Oxycontin dhe Xanax, janë prodhuar nga organizatat e trafikut të drogës dhe mund të përmbajnë një dozë vdekjeprurëse të Fentanyl.
“Ata nuk e kanë idenë se një pilulë mund t’i vrasë ata,” tha një zyrtar i DEA (Departamenti i SHBA-së për drogën).
Disa nga prindërit e fëmijëve të vrarë nga pilulat e falsifikuara janë mbledhur për t’i bërë thirrje kompanisë mëmë të Snapchat që të bëjë më shumë për të edukuar përdoruesit në lidhje me këtë çështje. Ata gjithashtu kanë kërkuar që Snapchat të identifikojë, heq dhe raportojë shpërndarësit e drogës që keqpërdorin platformën e tyre.
