Rreth 69 000 litra naftë kërkon Bashkia Skrapar për Ndërmarrjen e Shërbimeve Publike Çorovodë. Adriatik Memës i ndihet zëri vetëm në kohë fushate, ndërsa në 4 vite pothuajse harrohet që është kryetari i bashkisë Skrapar. Tani edhe ndonjë rast që kujtohet të bëjë ndonjë lëvizje, janë nga këto punët korruptive që edhe më keq e zhysin ekonominë e qytetit.
Nuk dihet se për sa makina konkretisht, nuk dihet se për sa udhëtime apo lëvizje fikse, por dihet vetëm që Memës i ka shkrepur në kokë që të blejë 69 mijë litra naftë, për të cilat do të shpenzojë 98 milionë lekë. Jemi duke folur për tenderin me objekt “Blerje Nafte për nevojat e Ndërmarrjes së Shërbimeve Publike, Skrapar për vitin 2024”, kontrata e të cilit është firmosur ditën e djeshme, si një surprizë e parakohshme për Shën Valentin.
Prandaj edhe tenderi mban ‘Flamurin e Kuq’ , por si një simbol të ngjyrës së dashurisë, por si simbol i korrupsionit.
Në dokumentet e publikuara shohim se vetëm firma 1. KASTRATI SHPK ka paraqitur ofertë, madje me të njëjtën vlerë sa fondi limit, 98 milionë lekë. Ashtu pa garë fare, me procedura të përshpejtuara Mema ja dhuroi këtë tender Kastratit. Nuk është aspak çudi që të themi se rregullat e këtij tenderi, si edhe shumën që do jepet për të, t’i ketë përcaktuar vetë Kastrati.
Mema i Skandaleve
Epo duke qenë se i është ‘bindur’ urdhrave të Kastratit, në vend që të jetë ai që të jap urdhra, lindi dyshime që Mema mund të keëtë qenë i ngazëllyer për shkak të festës së të dashurave. Jo për gjë, por Adritatiku njihet për skandale të tilla.
Kujtojmë se, në dhjetor të vitit 2022 Kryetari i Bashkisë së Çorovodës, Adriatik Mema, së bashku me shoferin e tij dhe 2 policë bashkiakë, në gjendje të dehur kanë dhunuar një qytetar në një prej lokaleve të qytetit.
Ka qenë vetë qytetari i dëmtuar me inicialet V.C. që në një komunikim për emdiatr ka denoncuar dhunën e ushtruar ndaj tij nga kryetari i bashkisë.
Ai ka treguar se fillimisht është ofenduar dhe më pas është goditur nga Mema dhe punonjësit e bashkisë pa ndonjë arsye specifike.
“Ne rastisëm në të njëjtin lokal bashkë me kryetarin e Bashkisë së Çorovodës Adriatik Mema, i cili ishte i shoqëruar nga shoferi i tij dhe dy punonjës të policisë bashkiake. Të gjithë ishin në gjendje të dehur. Pa arsye kryetari nisi të më ofendojë. Më pas shoqëruesit e tij nisën të më godasin pa asnjë arsye“, ka thënë asaj kohe qytetari i dëmtuar V.C.
Sakaq, mësohet se për këtë ngjarje është vënë në dijeni edhe policia e qytetit të Çorovodës, e cila duket se në rrethana të tilla bëri asgjë, pasi z.Mema është përfaqësuesi i Partisë Socialiste dhe vështirë se ligji mund të veprojë ndaj tij..
Kujtojmë se Adriatik Mema më herët ka mbajtur edhe detyrën e Sekretarit të Përgjithshëm në Ministrinë e Mbrojtjes ku është marrë i pandehur si një nga shkaktarët e tragjedisë së Gërdecit, ku humbën jetën 26 qytetarë dhe u plagosën 300 të tjerë.
Epo, skandali ndjek skandalin, ndërsa SPAK nuk ndjek dot Memën.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post