Një aeroplan i vogël është rrëzuar pranë një restoranti në Illinois në SHBA. Rrëzimi i aeroplanit bëri që të ndërronin jetë dy personat që udhëtonin në të.
Zyrtarët e qarkut Peoria thanë se burri dhe gruaja që ndodheshin në bord, nuk janë identifikuar ende, ndërkohë që autopsitë e tyre do të kryhen të hënën.
Aeroplani goditi disa ndërtesa përpara se të rrëzohej në tokë dhe të ndalonte në një rrugë pranë një restoranti të mbushur me klientë.
Askush tjetër nuk u raportua se ishte lënduar gjatë aksidentit fatal, njoftoi policia. Zyrtarët e drejtësisë kanë dalë në vendin e ngjarjes dhe kanë nisur hetimet.
Discussion about this post