Ministri i Mbrojtjes, Niko Peleshi është i dalluar për tenderët pa garë që zhvillon, si dhe për paaftësinë në menaxhimin e situatave emergjente në vend. Në këtë kuadër, sot do t’ju tregojmë një prokurim, që vazhdon zvarritet për shkak të shkeljeve ligjore, ndërkohë që projekti ka shumë rëndësi për sigurinë kombëtare.
Bëhet fjalë për tenderin me objekt “Ndërtim i infrastrukturës së nevojshme për UAV (hangari dhe mjedise shërbimi)”, në Bazën Ajrore Kuçovë, me fond limit 290,180,166 lekë (pa TVSH). Procedura u denoncua nga Gijotina.com më 5 dhjetor 2023, duke evidentuar mungesën e konkurrencës dhe abuzimin me fondin limit. Dhe koha i dha të drejtë medias Gijotina.com sepse dyshimet po vërtetohen.
Së fundmi, prokurimi është denoncuar në KPP nga bashkimi i operatorëve “MF INVEST GROUP” SHPK & “ALKO-IMPEX” shpk dhe “General Construcion” d.sh.h. Njëra nga kompanitë është në pronësinë e Arbër Abazit. Me pak fjalë nipin e Sadri Abazit nuk e kanë pranuar në ndarjen e tortës që kushton 3 miliardë lekë.
Kështu që këtë herë, Abazi ka vendosur të reagojë duke gërvishtur fasadën e tenderit të Peleshit.
Abazi me bashkëpunëtorët e tij dorëzuan një ankesë në KPP lidhur me tenderin e ministrit Peleshi. Disa pretendime të tyre kreu i KPP, Jonaid Yzeiri i ka rrëzuar, sepse tashmë e kemi vënë re që ai mundohet t’i shpëtojë pa u lagur ministrat, por nuk ka mundur të mbulojë gjithçka.
Kështu në pikën ku, ankimuesi pretendon se ka bërë deklaratën që disponon punonjësit e certifikuar për të kryer këtë shërbim, ashtu si kërkohen në tender, KPP i ka dhënë te drejtë. Sipas vendimit të marrë theksohet se Komisioni i Vlerësimit të Ofertave në dikasterin e Peleshit, nuk ka shqyrtuar si duhet 13 ofertat e paraqitura dhe janë krijuar këto ngërçe.
Kështu që në këtë vendim i kërkohet Peleshit që të ndërpresin procedurat dhe të bëjnë edhe njëherë rishikimin e ofertave, pasi ka risk të lartë për abuzim dhe cenim të konkurrencës së drejtë.
Në fakt, kur Gijotina.com ka publikuar këtë prokurim, kemi treguar se kontrata është firmosur me kompaninë LLAZO” sh.p.k në shkelje të ligjit. Pra, më konkretisht, ministri ua fali pa garë 3 miliardë lekë vëllezërve Aldi dhe Anea Llazi.
Pra, u fshinë nga lista të gjitha kompanitë ndërtuesve me përvojë, sepse Peleshi kishte paracaktuar fituesin, dy djemtë e “Llazos” nga fshati Bishqem i Lushnjës morën projektin në bazën e NATO-s. Kjo na bën të kuptojmë pse institucioni i Mbrojtjes është katandisur në këtë gjendje.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post