Nënkryetarja e Partisë Demokratike, Jorida Tabaku, e cila drejtoi komisionin hetimor të inceneratorëve, bëri nga jashtë selisë së Kuvendit një rezyme të hetimeve të kryera nga komisioni. Tabaku u shpreh se zyrtarët shtetëror përmes dëshmive të dhëna pranuan korrupsionin qeveritar me firmën e kryeministrit Rama, ndërkohë që ky i fundit u mbrojt politikisht në lidhje me aferën.
“Nesër përfundon hetimi, por ajo që nxori ky hetim është që tregoi se si korrupsioni qeveritar me firmën dhe vulën e Edi Ramës, u mbrojt politikisht nga Edi Rama por u pranua nga çdo zyrtar tjetër. Ish-ministri i Financave tregoi përgjegjësitë që ministria e Financave ka për miratimin e Financave, kryetari i bashkisë Tiranë tregoi që nuk ka një vendim të Këshillit Bashkiak. Por më e rëndësishmja është që tre administratorët e kompanisë nuk mundën të shpjegonin ku shkuan paratë. Këtu bëhet fjalë për korrupsionin më të madh qeveritar të këtyre 30-viteve 430 milionë euro” – tha Tabaku.
Discussion about this post