Burime nga qeveria thonë se ditën e nesërme mbërrin avioni i parë më afganë. Dy avionë me afganë do të nisen për në Shqipëri nëse në aeroportin e Kabulit nuk do të ketë kaos dhe trazira.
Prej 5 ditësh Shqipëria është në pritje të grupit të parë të afganëve dhe aeroporti i Rinasit do të jetë ndalesa e parë e tyre, pasi të prekin tokën shqiptare. Ministria e Shëndetësisë ka marrë masat që t’u jepet ndihma e parë shëndetësore, asistencë psikologjike/sociale dhe shërbimi bazik për ushqim apo nevoja të tjera të mundshme. Që aty ata do të nisen drejt Beratit, ku është bërë gati dhe hoteli që do të qëndrojnë. Refugjatët politikë afganë, pas akomodimit në qendrat e pritjes, mund të ndalohen nga autoritetet shqiptare që të shëtisin nëpër qytetet shqiptare, të dalin në rrugë, të frekuentojnë lokale apo restorante.
Destinacioni përfundimtar i tyre janë Shtetet e Bashkuara të Amerikës, duke bërë që në vendin tonë të qëndrojnë përkohësisht deri sa të pajisen me vizë. Pas negociatave të bëra me SHBA, Shqipëria ka pranuar të presë afganët të cilët u rrezikohet jeta nga talebanët, megjithëse prej disa ditësh thuhet e njëjta gjë, por ende nuk kanë mbërritur afganë e parë.
