Me mbylljen e ndeshjeve në Ligën e Kombeve, këtë fundjavë rikthehet kampionatet, por mbi të gjitha nga e marta Champions League. Një kompeticion i jashtëzakonshëm që me formatit e ri premton netë të magjishme nga fillimi në fund. Për më tepër ndeshjet do jenë në 3 ditë të ndryshme dhe jo më vetëm të martë e të mërkurë, por edhe të enjte me dy fasha orari.
Si shembull të martën në orën 18:45 do luhen dy ndeshjet e para të Champions League mes Juventusit e PSV-së si dhe Young Boys e Aston Villa. Më pas në orën 21:00 do jenë 4 përballje të tjera, ku falë formulës së re do ketë superduele si Milan-Liverpool.
Ndeshjet mes titanëve nuk do mungojnë asnjë natë, teksa në javën e parë, por të mërkurën në axhëndë është Manchester City-Inter, ndërsa të enjten spikat Atalanta-Arsenal. Në total 18 ndeshje në 3 ditë si pasojë e zgjerimit të kompeticionit që nuk është më me 32 skuadra pjesmarrëse, por 36.
Championsi i ri nuk do ketë më 8 grupe me nga 4 skuadra, por një renditje të vetme nga vendi i parë deri tek i 36-ti, ku skuadrat duhet të mbledhin pikët si të ishte kampionat pavarësisht se luajnë me kundërshtarë të ndryshëm. Faza e parë mbyllet pas 8 ndeshjeve për secilin ekip, teksa në 1/8 kualifikohen nga vendi i parë deri tek i 8-i. Nga vendi i 9 në të 24 shkojnë në ‘play-off’, ndërsa nga vendi i 25 deri tek i 36 do eliminohen.
Discussion about this post