Agravon protesta në Kosovë, veteranët tentojnë të hyjnë në oborrin e Kuvendit

Veteranët të cilët janë duke protestuar para Kuvendit të Kosovës, kanë thyer kordonin e policisë dhe kanë depërtuar në oborrin e Kuvendit.

Ndërkohë është dëgjuar një krismë dhe nuk dihet se çfarë ishte. Pjesëtarët e Njësisë Speciale të Kosovës janë rreshtuar para derës së Kuvendit të Kosovës.

Sekretari Organizativ i OVL e UÇK-së, Faton Klinaku u ka bërë thirrje protestuesve që të mos bëjnë probleme. Organizata e Veteranëve të Luftës së Ushtrisë Çlirimtare të Kosovës po zhvillon sot protestën e dytë në shenjë kundërshtimi për miratimin e ligjit për pagën minimale.