Sot është dita e pestë e agresionit rus në Ukrainë.
Ministrat e Energjisë së Bashkimit Evropian do të zhvillojnë sot një mbledhje emergjence lidhur me masat e reja që do të merren ndaj Rusisë. Konflikti i armatosur në Ukrainë ka shkaktuar rritje të çmimit të naftës, ku momentalisht një fuçi me naftë kushton 100 dollarë.
Nga ana tjetër, BE synon të izolojë akoma më shumë ekonomikishyt Rusinë, pasi bankat e saj janë përjashtuar nga sistemi ndërkombëtar financiar SWIFT. Presidentja e Komisionit Evropian, Ursula von der Leyen theksoi se do të bllokohen të gjitha transaksionet dhe asetet e Bankës Qendrore të Rusisë.
Po ashtu, Britania e Madhe miratoi ashpërsimin sanksioneve ekonomike ndaj Bankës Qendrore të Rusisë ditën e sotme.
Discussion about this post