Sergio Aguero ka folur së fundmi në lidhje me gjendjen e tij shëndetësore dhe lajmet që po qarkullojnë për përfundimin e karrierës futbollistike të tij.
Gazetarja Pia Shaw ka postuar një bisedë me lojtarin e Barcelonës i cili tregon: “Jam mirë, mirë… Thashethemet janë të tmerrshme. Kjo sëmundja e zemrës kërkon kohë, të paktën 6 muaj. Unë jam 33 dhe duhet të pres 6 muaj, plus tre seanca stërvitore për t’u rikthyer në fushë. Epo, është e komplikuar. Unë duhet të jem jashtë fushave të futbollit për 9 muaj, gati një vit, prandaj ata spekulojnë për largimin tim. Nëse më thonë se duhet të ndaloj, unë do të bëj, por së pari, do të pres rezultatet.”
Më tej argjentinasi ka theksuar se dëshiron të ndjekë hap pas hapi çdo procedure, që kërkohet për t’u rikuperuar duke pritur sigurinë: “Unë vazhdoj me planin tim të rikuperimit, pastaj do të shohim se cila do të jetë më e mira. Unë u shtrova në spital për pesë ditë, më kontrolluan, pas së cilës shkova te pushoj deri ne testin e parë. Pra tani është çështje durimi… shkova në Andorra për tri ditë isha shumë nervoz për çdo gjë që kishte ndodhur. Në një javë do të bëj provat në klinikë dhe do të shohim hapat që duhen ndjekur. Por ajo që thonë është e çuditshme, nuk e di”.
Rikujtojmë se lojtari u detyrua të dilte nga fusha në ndeshjen e Barcelonës kundër Alaves, pasi nuk do arrinte të merrte fryme dhe pasi u dërgua në spital nga mjekët u kuptua se kishte probleme me zemrën./K.T/Gijotina.com
Discussion about this post