Familjarë, miq dhe mësues kanë përcjellë për në banesën e fundit sot Ditën dy nxënësit, të cilët u vranë të premten në Gllogjan të Deçanit. Mes dhimbjesh, me qindra qytetarë morën pjesë në këtë ceremoni morti, ndërsa nuk munguan as fjalët prekëse të shokëve dhe shoqeve të tyre.
“Jam unë shoqja juaj, e si mund t’ju them lamtumirë kur sapo kemi filluar që të jetojmë. Ledjan dhe Genta kur u ndamë pse nuk na treguat se nuk do të shihemi më kurrë. Genta ke lënë detyrat e papërfunduara… fletoren me shënime kujt do t’ia lesh. Pse nxitove aq shumë që të hyjë në autobus. O zot çfarë arsyeje ka ky trishtim. Ledjan dhe Genta së paku të na tregonit dhembjen kur nuk jeni. Mallkuar qoftë ajo dorë që ju ndau nga ne. na keni këputur shpirtin, kujdesuni për ne atje lart pasi ne nuk u kujdesëm dot këtu poshtë për ju.”- tha ajo mes lotësh.
Kujtojmë se ngjarja e rëndë ndodhi të premten në darkë ku autobusi me të cilin po udhëtonin tetë nxënës u sulmua me armë në fshatin Gllogjan në Deçan dhe mbetën të vdekur dy nxënës dhe shoferi.
Discussion about this post