Fede Valverde dhe partnerja e tij janë grabitur gjatë pushimeve në Ibiza. Mediat në Spanjë raportojnë se mesfushori i Reali dhe e dashura janë droguar dhe më pas iu janë grabitur 10 mijë euro, dy ora të shtrenjta dhe bizhuteri të ndryshme.
Mina Bonino, gazetare sportive dhe shoqëruese e Valverdes, ka treguar detaje interesante: “Kur mbërritëm në shtëpi, në Ibiza, kuzhinieri ishte aty. Ai më shpjegoi se kishte vetëm një çelës dhe se do ta merrte me vete, në mënyrë që në mëngjes të bënte gati mëngjesin pa na shqetësuar.
Çështja është se të nesërmen nuk munda as të ngrihesha nga krevati. I dërgova një mesazh Leslie (shërbëtores) të kujdesej për djalin tim. U ndjeva shumë keq, shumë keq.
Në ato momente vura re valixhet e hapura në dhomë. Aty ishte shkatërruar gjithçka. Mendoj se isha nën ndikimin e drogës. Qesha, por nuk kuptova asgjë në ato momente.
Kur u nisa për në plazh u largova për të marrë disa para, hapa portofolin dhe kuptova se ishte bosh. Ishte e çuditshme, gjërat ndodhnin njëra pas tjetrës. Pastaj, erdhi kuzhinieri dhe më tha se kur mbërriti në mëngjes, gjithçka ishte rrëmujë”.
Discussion about this post