Jude Bellingham është një nga të sapoardhurit, te Real Madridi por duket sikur ka një dekadë që është pjesë e klubit. Megjithatë, dallimi me ligat e tjera në Europë ka qenë shumë i dukshëm për ‘5-shin’ e bardhë, i cili ka ndarë një reflektim me bashkëlojtarët e tij.
Jude Bellingham tashmë ka arritur në një përfundim pas analizës që ka bërë për tre ndeshjet e tij të para në Ligë. Mesfushori anglez është bërë “spiranca” e lojës së Real Madridit: gjithçka kalon nga këpucët e tij. Ai është bërë një lojtar themelor në modelin 4-4-2 me mesfushën diamant të dizajnuar nga Carlo Ancelotti dhe ai nuk e ka problem ta marrë dhe t’i përgjigjet kësaj sfide siç do të bënte një yll i kalibrit të tij.
Megjithatë, përvojat e tij të para në Spanjë po rezultojnë disi kontradiktore. Edhe pse nuk është penduar që ka nënshkruar për Real Madridin dhe kështu ua transmeton atyre që e rrethojnë, Bellingham vazhdon të mendojë se disa sjellje ndaj tij, janë… absurde: “Së pari më ofendojnë për shkak të festës sime, pastaj një kundërshtar që shkon për të prishur pikën e penalltisë para goditjes së Rodrygos… ajo që ndodh këtu është shumë e çuditshme, apo jo?”.
Për Jude Bellingham , paraqitjet e një pjese të caktuar të tifozëve të San Mamés dhe lojtarit të Celta de Vigo të cilit ai i referohet nuk përputhen me atë që ai kishte parë në Bundesligë, ose me atë që ai kujtonte nga koha e tij në divizionet e ulëta angleze. Kontrasti midis dy modeleve është shumë i qartë.
Bellingham duket se e ka harruar termin ‘përshtatje’. Që kur mbërriti në Real Madrid, lojtari anglez vendosi të tregojë se paratë dhe përpjekjet e investuara për të janë plotësisht të justifikuara, me 4 gola dhe 1 asistim, duke qenë kryesues i lisëts së golashënuesve. Megjithatë, ai nuk mund të lërë pa parë disa nga ‘marrëzitë’ ose ‘çuditë’ e futbollit spanjoll.
Ndërsa ai nuk e ka problem të lidhet me shokët e tij si brenda dhe jashtë fushës, ai mund ta ketë pak më të vështirë të përshtatet me këtë lloj sjelljeje të lojtarëve në Spanjë, në përgjithësi. Edhe lojtarët veteranë dhe me shërbim të gjatë në Real Madrid janë ende “jashtë vendit” kur ndodh ndonjë nga këto gjëra, si ato të përshkruara nga Jude Bellingham, ndodhin, pothuajse gjithmonë, gjatë një ndeshjeje të Real Madridit.
Discussion about this post