Qarkullimi i automjeteve në Tunelin e Murrizit është bllokuar ndërsa bëhet me dije se lëvizja është devijuar në By-pass-i e Murrizit. Sipas informacioneve paraprake, drejt tunelit janë nisur disa autoambulanca, ndërsa shkak raportohet se është bërë një aksident.
Mësohet se nga aksidenti ka disa persona të plagosur dhe një prej ambulancave është nisur drejt Spitalit të Traumës në Tiranë.
Sipas burimeve paraprake, një grua me shtetësi italiane ka mbetur e plagosur dhe është transportuar në Spitalin e Traumës .
Policia ndodhet në vendin e ngjarjes dhe po punon për të sqaruar rrethanat e aksidentit.
Ende nuk dihet shkaku i përplasjes, ndërsa autoritetet u bëjnë thirrje drejtuesve të mjeteve të tregojnë kujdes të shtuar në këtë segment rrugor.
Njoftimi i policise
Rreth orës 16.40, brenda tunelit të Murrizit, janë përplasur automjeti me drejtues shtetasin italian F.T., dhe automjeti me drejtues shtetasin A.K.
Si pasojë janë dëmtuar lehtë 3 pasagjerë të cilët janë transportuar në spital për ndihmë mjekësore.
Ndërkohë dy drejtuesve të automjeteve iu është bërë testi i alkoolit dhe kanë rezultuar 00 mg/l.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
Discussion about this post