Tre automjete janë përfshirë në një aksident në rrugën nacionale Gjirokastër-Tepelenë.
Në aksident ka pasur vetëm dëme materiale, ndërsa i përfshirë ishte dhe një furgon me udhëtarë.
Automjetet lëviznin në kahe të kundërta. Përplasja ka ndodhur në vendin e quajtur Ura e Kardhiqit, rreth 5 km larg qytetit të Gjirokastrës.
Policia po punon për zbardhjen e shkaqeve të ngjarjes. Ura e Kardhiqit njihet si një pikë problematike për trafikun rrugor pasi në këtë zonë kryqëzohen rrugët kombëtare që lidhin Gjirokastrën me Tepelenën e Sarandën, duke e bërë të domosdoshme respektimin e Kodit Rrugor nga drejtuesit e automjeteve.
Discussion about this post