Aksident “ i frikshëm” në autostradë, 5 makina bëhen copash njëra pas tjetrës (VIDEO)

Një aksident masiv është raportuar mesditën e sotme në autostradën Tiranë-Durrës tek QTU.

Burime bëjnë me dije se në aksident janë përfshirë 5 mjete. Gijotina.com ka siguruar pamjet nga vendi i ngjarjes, ku shihet se 5 makinat janë përplasur radhë njëra pas tjetrës.

Nuk dihet ende nëse ka të plagosur, ndërsa policia nuk ka qenë në patrullim për të shmangur këtë aksident.

Paraprakisht dyshohet se shkak është bërë mosrespektimi i sinjalistikave rrugore, manovrat e shpejtësisë dhe parakalimet. Si duket makineritë inteligjente nuk kanë hyrë ende në punë për të parandaluar aksidentet të cilat nga raportimet e gijotina.com vijojnë të rriten.

Si pasojë e përplasjes është krijuar bllokim trafiku i automjeteve të tjera, në këtë autostradë.

Aksidenti masiv ka shkaktuar kaos mes qytetarëve dhe udhëtarëve që duhet të presin në radhë për të kaluar.