Një aksident i rëndë është regjistruar pak minuta më parë në aksin rrugor Berat-Dimal, në vendin e quajtur Otllak. Bëhet me dije se, shkak për aksidentin është bërë makina luksoze e tipit Volswagen Toureag, me targa AA 030,në përpjekje për të parakaluar është përplasur fuqishëm me mjetin me targa greke HJK 1373.
Si pasojë e përplasjes së fortë, mjeti me targa greke është goditur me shtyllën dhe kangjellat e rrugës, duke plagosur edhe një pasagjer që ndodhej në anë të rrugës. Burimet njoftojnë se nga ky aksident
kanë ngelur të plagosur dy drejtuesit e mjeteve si dhe këmbësori, të cilët janë transportuar drejt Spitalit Rajonal Berat ,ku edhe po marrin ndihmë mjekësore.
Fatmirësisht, të tre të plagosurit janë në gjendje të mirë shëndetësore dhe jashtë rrezikut për jetën. Ndërsa raportohet se këmbësori ka marrë plagë të shumta në trup, por gjendja e tij është e stabilizuar dhe nën kontroll nga mjekët që po e mbikëqyrin.
Sipas burimeve, në vendngjarje kanë shkuar forcat e policisë rrugore dhe ekspertë, që kryejnë kontrollet për të zbardhur shkaqet e vërteta të aksidentit, që për pak mund të rezultonte fatale për drejtuesit e mjeteve.
.Burimet policore në vendngjarje konfirmojnë se, paraprakisht mendohet se shkak për aksidentit është bërë parakalimi i gabuar i mjetit Toureag, që drejtohej nga shtetasi Agur Pajo. Gjithsesi për më shumë detaje do të pritet ekspertiza e plotë e policisë. E.H/Gijotina.com/
Discussion about this post