Një tjetër aksident i rëndë është shënuar mbrëmjen e sotme në Berat. Burime bëjnë me dije se dy të rinj kanë ngatërruar rrugën dhe janë përplasur me betonin e Rotondos.
Identiteti i tyre nuk bëhet ende me dije, ndërsa ishin duke udhëtuar me automjetin tip “Wolkswagen Toureg” me targa AA 090 OL.
Gjatë përplasjes së fortë, gjysma e pjesëve të makinës kanë rënë në shesh dhe gomat janë shpërndarë.
Në vendngjarje kanë shkuar forca të shumta policie, që janë duke punuar për zbardhjen e shkaqeve të aksidentit.
Paraprakisht mendohet se shkak për këtë aksident është bërë jo vetëm shpejtësia e madhe më të cilën ishte duke udhëtuar i riu por edhe mungesa e sinjalistikës rrugore dhe mungesa e ndriçimit në këtë aks.
Drejtuesi i mjetit dhe pasagjeri janë transportuar drejt Spitalit Rajonal Berat, ku për shkak të plagëve dhe thyerjeve të marra ndodhen nën kujdesin e mjekëve.
Discussion about this post