Aksident i rëndë në Cërrik, 6 të plagosur

Një aksident ka ndodhur në Cerrik, ku janë përfshirë në automjet dhe një autobus.

Nga të dhënat e para duket se përplasja ka qenë e fortë, ndërsa autobusi ka dalë nga rruga dhe është batuar.

Ndërkohë në vendin e ngjarjes kanë shkuar ekipe zjarrfikëse.

“Në aksin rrugor Gostimë-Cërrik, janë përfshirë në aksident rrugor autobusi me drejtues shtetasin A. Xh., 51 vjeç, dhe automjeti me drejtues shtetasin O. Sh., 52 vjeç.

Si pasojë e aksidentit është dëmtuar shtetasi O. Sh., i cili është dërguar në spital, ku ndodhet në gjendje jashtë rrezikut për jetën. Në spital u dërguan edhe 5 shtetas të tjerë, pasagjerë në autobus, të cilët pasi kryen ekzaminimet mjekësore, u larguan në banesa.

Me drejtuesin e autobusit, shtetasin A. Xh., po kryhen veprimet procedurale”, njofton policia.

Shërbimet e Sektorit të Qarkullimit Rrugor dhe grupi hetimor vijojnë punën, për sqarimin e rrethanave të aksidentit.