Një aksident i rëndë ka ndodhur paraditen e sotme në Divjakë, ku të plagosur kanë mbetur dy fëmijë të mitur.
Sipas njoftimi të policisë, aksidenti ndodhi rreth orës 11:00, në fshatin Mizë, Divjakë, ku personi me iniciale P. Ç, duke drejtuar mjetin tip “Opel” ka përplasur të miturit E. A., 10 vjeç dhe O. A., 8 vjeç, të cilët ndodhen në spital nën kujdesin e mjekëve.
Ende nuk dihet cili ka qenë shkaku i aksidentit, por grupi hetimor ndodhet në vendngjarje dhe po punon për zbardhjen e rrethanave. Numri i aksidenteve është rritur ndjeshëm në vendin tonë pasi drejtuesit e automjeteve zgjedhin të mos respektojnë rregullat e qarkullimit rrugor, duke shkaktuar dhe viktima.