Një aksident i rëndë është shënuar pasditen e kësaj të premteje në Durrës. Policia bën me dije se ngjarja ka ndodhur në lagjen Nr.13 Durrës. Mjeti tip “Smart” me drejtues shoferin e identifikuar me iniciale B. D., 22 vjeç, ka aksidentuar këmbësoren e identifikuar me iniciale K. B., 33 vjeçe, e cila ishte duke qarkulluar me biçikletë.
Siç shihet edhe në foton e siguruar nga gijotina.com përplasja ka qenë shumë e fortë, ndërsa janë shkaktuar dëmtime të mëdha në pjesën e përparme të makinës, çka ka plagosur rëndë edhe këmbësoren.
Si pasojë e përplasjes 33- vjeçarja K. B, ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave te aksidentit.
