Një tjetër aksident i rëndë është shënuar paraditen e kësaj të mërkure në Fushë-Krujë. Burime nga policia për gijotina.com bëjnë me dije se ngjarja ka ndodhur rreth orës 12:20.
Të njëjtat burime gjithashtu bëjnë me dije se një automjet me drejtues Sh. K., 65 vjeç., ka goditur motomjetin me drejtues B. Ll., 70 vjeç i cili udhëtonte me bashkëshorten R. Ll., 68 vjeçe, të cilët ndodhen nën kujdesin e mjekëve në Qendrën Shëndetësore Fushë Krujë.
Nuk dihen ende shkaqet e aksidentit, ndërsa paraprakisht dyshohet, shpejtësia përtej normave të lejuara.
Theksojmë se policia nuk ka qenë në vendin e ngjarje në momentin kur ka ndodhur aksidenti, e për pasojë shoferët e mjeteve nuk kanë respektuar sinjalistikat rrugore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post