Një 40-vjeçar mbeti i plagosur në kryeqytet pasi ra nga shkallët e një restoranti ku punonte. Mësohet se ngjarja ka ndodhur rreth orës 12:50, në rrugën “Don Bosko”, ku aksidentalisht 40- vjeçari ka rënë nga shkalla dhe ka marrë dëmtime të rënda. Sipas të dhënave, personi ndodhte në spital ku po merr trajtimin e mjekëve, por gjendja e tij shëndetësore paraqitet e rënduar. Grupi hetimor ndodhet në vendngjarje dhe po punon për sqarimin e rrethanave të ngjarjes.
Sakaq, rastet e aksidenteve në punë janë të shumta në rastin tonë. Janë bërë shpesh apele për rritjen e sigurisë në punë, por si duket askush nuk i merr parasysh. Nga ana tjetër edhe institucionet përgjegjëse nuk bëjnë punën e tyre për të kryer kontrollet dhe për të siguruar nëse punonjësit në vendin tonë punojnë në kushte të sigurta dhe të përshtatshme.
Discussion about this post