Aksident i rëndë në Itali, ndërron jetë 25-vjeçari shqiptar

Një aksident i rëndë ka ndodhur në Itali, ku një 25-vjeçar shqiptar ka humbur jetën mbrëmjen e djeshme pas një aksident tragjik.

25-vjeçari shqiptar ka ndërruar jetë pasi kamioni të cilin po drejtonte u përmbys në dalje të rrugës. Në mjet ndodheshin edhe 3 punëtorë të tjerë të cilët mbetën të plagosur, shkruajnë mediat italiane.

Ata u transportuan menjëherë në spital për të marrë ndihmë mjekësore, ndërsa emigranti shqiptar ndërroi jetë në vendin e ngjarjes. Policia dhe hetuesia po punojnë për të zbardhur aksidentin e rëndë.