Aksident tragjik në Kukës/ Makina bie në liqenin e Fierzës, humb jetën babai, shpëton i biri

Një aksident tragjik është shënuar në Kukës. Bëhet me dije se një makinë ka dalë nga rruga dhe si pasojë ka humbur jetën një 55 vjeçar dhe ka shpëtuar mrekullisht i biri.

Ngjarja ka ndodhur në këmbët e urës së Drinit të Zi në hyrje të Kukësit, ku automjeti ka dalë nga rruga dhe ka përfunduar në greminën pranë liqenit dhe si pasojë ka humbur jetën Sul Demnushi, rreth 55 vjeç.

Paraprakisht dyshohet se shkak është bërë mosrespektimi i sinjalistikave rrugore dhe manovrat e shpejtësisë, ndërsa policia nuk ka qenë ën patrullim.

Ndërkohë në vendin e ngjarjes ndodhet policia e cila po punon për zbardhjen e plotë  të shkaqeve të këtij aksidenti të rëndë.

Gijotina.com raporton se bilanci i aksidenteve rrugore vijon të rritet.